Grabenstorf - die händ en Knall, S Gägeteil isch de Fall. D Heidegräber, wo mer pflägt händ als Chind, werdid überdeckt, händ e paar vo Aarau im Grind. Und mer nehmid d Wett a, als nächschts isch d Römervilla dra.

De alti Papscht seid mit Bedacht, er heigi en Falschussag gmacht. Die Wortwahl esch e chli verzoge, richtig heisst das: Er het gloge.

Chum sind d Maske ond s Zertifikat verbi, ladet d Zunft zor Fasnacht i. Zom fäschte sind d Heuröpfler gar nid z fuul, aber en Flyer mit acht Fehler - wo sind die i d Schuel?

Neu, ond för d Onderhaltig s'Bescht, Big Brother us em Storchenäscht. Aber Achtung ihr Voyeure, ab sofort sinds do, oisi Akteure.

Mit em neue Wirt im Pöstli, gits ä weder es neus Möstli. Fertig mit Quöllfrösch us Appezell, jetzt heissts weder Felschlössli hell. Ond was Feldschlössli zahlt het för das Konzept, isch es Gheimnis we im Appezellerchäs sis Rezept. Mer wönsched üch e rüüdig guete Start id Fasnacht! AFS