Post

Jetz isch si cho, die häilig Nacht,
dr Wiehnachtsbaum in sinner Bracht.
S Gschtürm isch umme, nimm dr Zytt,
lueg s Chind wo in dr Chribbe lyt.

Im chalte Stall ligts uf em Strau
dr Josef luegt iim und dr Frau.
S häi hütte no nid alli warm
si lääbe dusse und sin arm.

Mir schlemme in dr Stuuben inne,
dien vo Friede und dr Liebi singe.
Chönne selli, wo vo Bombe droffe,
ächtsch au bald uf e Friede hoffe?

S verliere d Lüt bi deere Hatz
iir dehäi, dr letscht warm Platz.
Mir wäi doorum, wenn mir schängge,
au e ganz fescht an selli dängge.

Äins vo ville mögliche Spendekonti:
Caritas Schweiz
CH69 0900 0000 6000 7000 4
Nothilfe Ukraine

Ich wünsch euch allne e schöni, friedlichi Wiehnacht.