Post

s duet d Blattere in dr Chuchi toobe s Gschirr fliegt s Fenschter us in hochem Booge will dr Gwäggi nid no Lieschtel chaa luegt käine döört zue iirem Maa! Dr Blatter Rolf, so stoots im Zyttigsbricht, häig z Lieschtel s mäischten Üübergwicht! Für in Landroot bruchts vo allem s Beschte nöii Hoose, Hemmli und e wyssy Weschte, e Gravatte, wo me nid mues sälber binde. Mäinsch s basst deere z Laufe hinde? Weer dr Agostini ächtsch am Änd au froo är chönnt sich z Lieschtel äntligg zäige loo! Mues Intelligänz hüt wirggliig künstlig syy? do han iich nid grad s beschte Gfüül derby doch wenn sii z Lieschtel sich bim zelle zwänge wäisch: Dr normaal Verstand duet nümmi länge! Iich froog mi gits bim Kanton Basel Landschaft denn wirgglich käin wo mit Verstand schafft? .wö #aetschbaetsch #fasnachtaesch #aeschbigott